ក្រុមសមាជិកព្រឹទ្ធសភាប្រចាំភូមិភាគទី១ (រាជធានីភ្នំពេញ) ដឹកនាំដោយឯកឧត្តម ប្រាក់ សុខុន ប្រធានក្រុម និងជាអនុប្រធានទី១ព្រឹទ្ធសភា បានអញ្ជើញជួបសំណេះសំណាលជាមួយនឹងថ្នាក់ដឹកនាំខណ្ឌ ក្រុមប្រឹក្សាសង្កាត់ និងអាជ្ញាធរពាក់ព័ន្ធនៃខណ្ឌជ្រោយចង្វារ រាជធានីភ្នំពេញ ដើម្បីផ្តល់ឱកាសជូនអាជ្ញាធរក្នុងមូលដ្ឋាន បានជួបផ្ទាល់ជាមួយនឹងក្រុមសមាជិកព្រឹទ្ធសភាប្រចាំភូមិភាគទី១ ពិគ្រោះយោបល់ និងរិះរកដំណោះស្រាយអំពីបញ្ហាប្រឈម ការលំបាក និងសំណូមពរផ្សេងៗ។
ពិធីនេះ ប្រព្រឹត្តទៅនាព្រឹកថ្ងៃសុក្រ ទី២ ខែសីហា ឆ្នាំ២០២៤ នៅសាលាខណ្ឌជ្រោយចង្វារ ដោយមានការអញ្ជើញចូលរួមពីអាជ្ញាធរខណ្ឌ និង ក្រុមប្រឹក្សាសង្កាត់ ស្មៀន សរុបចំនួន១០៨នាក់…។
ប្រភព៖ នាយកដ្ឋានព័ត៌មាន
